Lesbók17.01.05 — Enter

Enn og aftur gera íslenskir smáglæpamenn sig að fíflum. Nokkrir rauðnefjaðir glæpasnúðar grípa með sér nokkur eiguleg raftæki frá Borgarskipulagi eftir prýðisvel heppnað innbrot og burðast sigurreifir með góssið heim til sín. Gangandi. Í nýföllnum snjó!

Þetta er auðvitað fyrir neðan allar hugsanlegar hellur.

Hvernig væri nú að okkar góðu bófar tækju sig saman og stofnuðu með sér samtök. Héldu námskeið og fyrirlestra þar sem farið er yfir grunnatriði stigamennsku og glæpa. Með samstilltu átaki hlýtur að vera hægt að ræna svo sem eins og einn banka svo vel sé eða hnupla sér brauðrist án þess að verða sér til eilífrar minnkunar.

Þetta gengur ekki svona lengur. Íslenskur glæpaheimur á betra skilið en vera aðhlátursefni og skotspónn erlendra misindismanna. Við getum betur.

 
Enter — Forystugrein
 
Enter — Sálmur
 
Númi Fannsker — Forystugrein
 
Enter — Sálmur
 
Spesi — Forystugrein
 
Númi Fannsker — Forystugrein
 
Enter — Forystugrein
 
Enter — Forystugrein
 
Enter — Sálmur
 
     1, 2, 3 ... 180, 181, 182